SMÁSÖGUR

BRÉFBÁTARIGNINGIN

Smásögur

Mál og menning

1988

TILNEFNING

Bókmenntaverðlaun

Norðurlandaráðs 1990

Sögur verksins eru fjórar og mynda sagnasveig þar sem andrúmsloftið er sveipað rómantískri hulu bernskusýnar og nostalgíu; það er hversdagslegt og á tíðum kómískt en um leið draumkennt, undarlegt og stundum ógnvekjandi.

HEYKVÍSL
OG GÚMMÍSKÓR

Smásögur
Mál og menning
1991

BÓKATVENNA
Bókin var gefin út samhliða ljóðabókinni
Vetraráform um sumarferðalag

Köttur á heitu þaki í regnþorpi, gömul kona sem deyr og flýgur burt í samfylgd fugla, prestur sem safnar undarlegum blöðum, drengur sem drukknaði á Snæfellsnesi, hrútur sem var ónotalegur með víni og stangaði fólk, fyrsti meðaladraugur á Íslandi.
Þetta eru undarleg ævintýri, tuttugu og ein smásaga, mörg hver örstutt, en allar magnaðar þeim seið sem lesendur þekkja af fyrri bókum höfundar.

TREGAHORNIÐ

Smásögur

Mál og menning

1993

TILNEFNING

Evrópsku

smásagnaverðlaunin 1989

Tuttugu og fjórar smásögur þar sem stíll Gyrðis nýtur sín í hvívetna. Með örfáum málsgreinum tekst honum að hrífa lesandann með í sinn sérstæða sagnaheim.

KVÖLD Í LJÓSTURNINUM

Smásögur
Mál og menning
1995

Þetta er safn tuttugu og tveggja sagna þar sem höfundurinn beitir stílgaldri og sérstöku innsæi til að skrifa sögur sem velflestar gerast á mörkum þeirra tveggja heima sem afmarka tilveru Íslendinga.

VATNSFÓLKIÐ

Smásögur

Mál og menning

1997

TILNEFNING

Íslensku bókmenntaverðlaunin 1997

Vatnsfólkið hefur að geyma 25 nýjar sögur. Sameiginlegan eiga þær þann heim trega og vonar sem einkennir jafnan sögur Gyrðis, þar sem svo margt er í senn bæði kunnuglegt og framandi. Ekkert er sem sýnist og undir kyrru yfirborði kraumar kynleg spenna. Hér stíga fram persónur sem eiga sér rætur í raunveruleikanum, t.d. William Morris og Guðrún frá Lundi, en í skáldlegri ummyndun Gyrðis verða þær sérkennilega raunsannar og minnisstæðar.

GULA HÚSIÐ

Smásögur
Mál og menning
2000

VERÐLAUN
Bókmenntaverðlaun Halldórs Laxness 2000
Íslensku bókmenntaverðlaunin 2000

TILNEFNING
Bókmenntaverðlaun Norðurlandaráðs 2002

Þetta verk Gyrðis geymir safn fjölbreyttra og einkar vel skrifaðra smásagna. Í sumum sagnanna renna saman draumur og veruleiki með áhrifamiklum hætti, þannig að allt virðist mögulegt og í öðrum vinnur höfundur eftirminnilega úr íslenskri þjóðtrú. Á stundum vekja smásögurnar óhugnað með lesandanum, en aðrar einkennast af lágstemmdri kímni.

STEINTRÉ

Smásögur
Mál og menning
2005

TILNEFNING
Frank O’Connor alþjóðlegu smásagnaverðlaunin 2009

Tuttugu og fjórar sögur. Gyrðir dregur fram stórar sögur í fáum línum, skapar andrúms-loft sem er svo nákomið lesandanum að hann skynjar hvert blæbrigði, lit og ilm. Og um leið opnar hann sýn inn í heima þar sem fjallað er um stórar spurningar um líf og dauða, um hamingju mannanna, vonir þeirra og drauma.

MILLI TRJÁNNA

Smásögur

Uppheimar

2009

TILNEFNING

Íslensku bókmenntaverðlaunin 2009

VERÐLAUN

Bókmenntaverðlaun Norðurlandaráðs 2011

BÓKATVENNA

Bókin var gefin út samhliða ljóðabókinni

Nokkur almenn orð um kulnun sólar

Milli trjánna er safn 47 fjölbreyttra smásagna. Hér bregður fyrir líkt og áður ýmiskonar óhugnaði og furðum, einsemd, draumum, ferðalögum, bernskuminningum og framtíðarsýnum, auk þeirrar ísmeygilegu fyndni sem lesendur þekkja úr fyrri verkum.