GYRÐIR ELÍASSON

- LJÓÐSKÁLD OG RITHÖFUNDUR -

Ljósmynd: Nökkvi Elíasson

BÆKUR

SKÁLDSÖGUR

LJÓÐ

SMÁSÖGUR

SMÁPRÓSAR

ERLENDAR ÚTGÁFUR

ÞÝÐINGAR

AÐRAR ÚTGÁFUR

VELJIÐ VIÐKOMANDI FLOKK TIL AÐ SJÁ MEIRA

Books

NÝLEGAR ÚTGÁFUR

Þrjár endurútgáfur á verkum Gyrðis.

Nú í vor komu út þrjár nýjar endurútgáfur af verkum Gyrðis frá Dimmu útgáfu, en þær eru annarsvegar smáprósarnir Pensilskrift og Þöglu myndirnar og hinsvegar Ljóðaúrval IV sem inniheldur bækurnar Upplitað myrkur (2005), Nokkur almenn orð um kulnun sólar (2009) og Hér vex enginn sítrónuviður (2012).

SJÁ MEIRA

Erlendar útgáfur af verkum Gyrðis.

Fyrr á árinu komu út smásögurnar Skuggaskip í franskri þýðingu Cathrine Eyjólfsson og nú í vor kom svo Færeysk þýðing af smáprósunum Pensilskrift í þýðingu Martin Næs.

SJÁ MEIRA

Ný lífsreynslusaga eftir Gyrði er komin út.

Einstök og allt öðruvísi bók eftir Gyrði Elíasson er komin út. Í henni deilir hann með lesendum erfiðri lífsreynslu og dregur ekkert undan. Átakanleg og einlæg frásögn sem fengið hefur frábæra dóma og viðtökur. Erlendar útgáfur á verkum Gyrðis eru nú orðnar 65 talsins.

SJÁ MEIRA

Bókin 'Veiðistöng handa afa mínum' í þýðingu Gyrðis Elíassonar.

Smásagnaheftið 'Veiðistöng handa afa mínum" eftir Gao Xingjian í þýðingu Gyrðis Elíassonar kom út á vordögum. Sögurnar eru hlaðnar nákvæmum smáatriðum og fíngerðum vísunum svo að unun er að lesa. Í þessum sex sögum er brugðið upp ljóðrænum myndum af mótum minninga og veruleika þar sem hið ósagða er fangað af listfengi skáldsins og innsæi listmálarans.

SJÁ MEIRA

In The Press

UM SKÁLDIÐ

Gyrðir Elíasson (fæddur 4. apríl 1961)

er íslenskur rithöfundur, ljóðskáld, þýðandi og málari. Hann hefur hlotið fjölmörg verðlaun og tilnefningar bæði heima og erlendis, þar á meðal Bókmenntaverðlaun Norðurlandaráðs 2011 fyrir smásagna-safnið Milli trjánna og Íslensku bókmenntaverðlaunin árið 2000 fyrir Gula húsið. Hann er austfirðingur að uppruna en ólst upp á Sauðár-króki og er nú búsettur í Reykjavík. Gyrðir gaf út fyrstu ljóðabók sína, Svarthvít axlabönd, árið 1983 og fyrsta skáldsagan, Gangandi íkorni, kom út 1987. Gyrðir er annálaður stílisti og eru bækur hans oft dul-rænar og fullar af lúmskri kímni. Á fjörutíu ára ritferli hefur hann sent frá sér 43 frumsamdar bækur og 26 þýðingar á íslensku. Verk hans hafa verið þýdd og gefin út á fjölmörgum tungumálum. Auk ritlistar hefur Gyrðir um árabil fengist við myndlist og hélt sína fyrstu einka-sýningu sem vakti mikla athygli vorið 2024.